Milli Müdafiə Universitetinin tabeliyində fəaliyyət göstərən Naxçıvan Hərbi Kollecində “Sağlam gənclik – güclü gələcək” mövzusunda tədbir keçirilib
Tədbir 2 Fevral - Azərbaycan Gəncləri Gününə həsr edilib.
Əvvəlcə Ulu Öndər Heydər Əliyevin və Azərbaycan Respublikasının ərazi bütövlüyü və suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni ifa edilib.
Tədbirdə Naxçıvan Hərbi Kollecinin rəisi, polkovnik Yaşar Hüseynov, Naxçıvan Muxtar Respublikası Ali Məclisinin deputatı Canməmməd Canməmmədov, həmçinin kollecin müəllimi və kursantı çıxış edərək Azərbaycan Gəncləri Günü münasibətilə şəxsi heyəti təbrik edib, bu əlamətdar günün əhəmiyyətindən bəhs ediblər. Çıxışlarda Ulu Öndər Heydər Əliyevin 1997-ci ildə imzaladığı müvafiq fərmanla 2 Fevral tarixinin Azərbaycan Gəncləri Günü kimi təsis edilməsinin tarixi və ictimai-siyasi əhəmiyyəti xüsusi vurğulanıb.
Tədbir çərçivəsində Gəncləri Gününə həsr olunmuş videoçarx nümayiş edilib. Kursantlar tərəfindən vətənpərvərlik ruhunda şeir və musiqi nömrələri təqdim olunub.
Sonda tədbir iştirakçıları ilə xatirə şəkli çəkilib.
