Milli Müdafiə Universitetinin nümayəndələri Qoridə elmi konfransda iştirak edib

Milli Müdafiə Universitetinin nümayəndələri Gürcüstanın Qori şəhərində Azərbaycan, Gürcüstan və Türkiyə tədqiqatçılarının iştirakı ilə keçirilmiş “Cənubi Qafqaz və Qara Dəniz təhlükəsizliyi” adlı beynəlxalq elmi konfransda iştirak ediblər.

David Ağmaşenebeli adına Milli Müdafiə Akademiyasının Elmi-Tədqiqat Mərkəzinin rəisi polkovnik Giorgi Lagiaşvili konfransı giriş sözü ilə açaraq iştirakçıları salamlayıb və onlara uğurlar arzu edib.

Konfransın məqsədi bölgədə formalaşmış geosiyasi vəziyyət, yeni reallıq və təhlükəsizlik çağırışlarına aid fikir mübadiləsini tədqiqatçılar arasında bölüşmək olub.

Hərbi İdarəetmə İnstitutunun nümayəndələri konfransda təqdimatlarla çıxışlar ediblər.

Sonda iştirakçılara sertifikatlar təqdim olunub.