Azərbaycan və Türkiyə Milli Müdafiə Universitetlərinin birgə təşkilatçılığı ilə “Gələcəyin müharibələri”, “Əsgər və lider” adlı elmi-praktik Panel müzakirələri keçirilmişdir
Azərbaycan və Türkiyə Milli Müdafiə Universitetlərinin birgə təşkilatçılığı ilə “Gələcəyin müharibələri”, “Əsgər və lider” adlı elmi-praktik Panel müzakirələri keçirilmişdir.
Azərbaycan–Türkiyə 17-ci Yüksək Səviyyəli Dialoq İclasının Protokoluna uyğun olaraq, iki qardaş ölkənin Milli Müdafiə Universitetlərinin heyətlərinin, professor-müəllim heyətinin, həmçinin Universitetin tabeliyində fəaliyyət göstərən bütün təhsil səviyyələri üzrə təhsil müəssisələrinin dinləyici və kursantlarının iştirakı ilə keçirilən panellərdə hərbi təhsil, müasir təhlükəsizlik çağırışları, gələcəyin müharibələrinin çoxaspektli xarakteri, yeni texnologiyalar və süni intellektin hərbi idarəetmədə rolu, əsgər və liderlik məsələləri, eləcə də hərbi-sosioloji aspektlər üzrə geniş fikir mübadiləsi aparılmışdır.
Panellər hərbi təhsil əməkdaşlığı üzrə təcrübə mübadiləsi və peşəkar hərbi kadr hazırlığının təkmilləşdirilməsi baxımından əhəmiyyətli platforma kimi yüksək qiymətləndirilmişdir.
