Hərbi Kollecdə “Zəfərdən Suverenliyə” adlı tədbir keçirilib
Milli Müdafiə Universitetinin tabeliyində fəaliyyət göstərən Naxçıvan Hərbi Kollecində “Beynəlxalq Sülh Günü” münasibətilə keçirilən “Sülh Aylığı” çərçivəsində 20 Sentyabr - Dövlət Suverenliyi Gününə həsr olunmuş “Zəfərdən Suverenliyə” adlı tədbir keçirilib.
Tədbirdə əvvəlcə Azərbaycan xalqının Ümummilli Lideri Heydər Əliyevin və ölkəmizin ərazi bütövlüyü, suverenliyi və müstəqilliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Tədbirdə çıxış edənlər 20 Sentyabr - Dövlət Suverenliyi Gününün tarixi əhəmiyyətindən, Azərbaycanın əldə etdiyi Zəfərin ölkəmizin tam suverenliyinin təmin olunmasındakı rolundan bəhs ediblər. Bildirilib ki, bu tarixi nailiyyət xalqımızın milli birliyinin, dövlətimizin qüdrətinin və Azərbaycan Ordusunun yüksək peşəkarlığının parlaq təcəssümüdür.
Sonda tədbirlə əlaqədar videoçarx nümayiş etdirilib.
