Milli Müdafiə Universitetinin tabeliyində fəaliyyət göstərən təhsil müəssisələrində tədbirlər keçirilib
18 Oktyabr - Müstəqilliyin Bərpası Günü münasibətilə Milli Müdafiə Universitetinin tabeliyində fəaliyyət göstərən xüsusi təyinatlı təhsil müəssisələrində “Müstəqilliyimiz əbədidir, daimidir, dönməzdir” mövzusunda silsilə tədbirlər keçirilib.
Tədbirlərdə əvvəlcə müasir Azərbaycanın qurucusu, Ümummilli Lider Heydər Əliyevin və Vətən uğrunda canlarını fəda edən şəhidlərin əziz xatirəsi bir dəqiqəlik sükutla yad edilib, Dövlət Himni səsləndirilib.
Çıxışlarda Azərbaycanın dövlət müstəqilliyinin bərpasının tarixi əhəmiyyətindən, Ümummilli Lider Heydər Əliyevin milli dövlətimizin möhkəmləndirilməsi istiqamətində misilsiz xidmətlərindən, eləcə də Dövlət Başçımız, Müzəffəf Ali Baş Komandan İlham Əliyevin rəhbərliyi ilə ölkəmizin qazandığı böyük nailiyyətlərdən - tarixi Zəfərdən bəhs olunub.
Sonda vətənpərvərlik mövzusunda videoçarxlar nümayiş etdirilib.
