Hərbi Tibb Fakültəsində “Kim? Harada? Nə zaman?” intellektual oyunu keçirilib
Hərbi Tibb Fakültəsi və İntellektual Oyunlar Klubunun təşkilatçılığı ilə Zəfər Gününə həsr olunmuş tələbə və kursantlar arasında “Kim? Harada? Nə zaman?” intellektual oyunu təşkil edilib.
Üç mərhələdən ibarət yarışda 16 komanda mübarizə aparıb. İştirakçılar oyun ərzində biliklərini, məntiqi təfəkkürlərini və operativ qərarvermə bacarıqlarını nümayiş etdiriblər.
Yarışın nəticələrinə əsasən, “Zəfər yolu” komandası birinci, “Zirvə” komandası ikinci, “Bayraqdar” komandası isə üçüncü yerə layiq görülüb.
Sonda qalib komandalara sertifikat və medallar, birinci yerin sahibinə isə xüsusi kubok təqdim olunub.
