MMU-da keçirilən Respublika Elmi-Praktik Konfrans başa çatıb

Milli Müdafiə Universitetinin (MMU) təşkilatçılığı ilə 8 Noyabr - Zəfər Gününə həsr olunmuş “Müdafiə və milli təhlükəsizliyin aktual problemləri” mövzusunda Respublika Elmi-Praktik Konfrans öz işini başa çatdırıb.

Konfransda müxtəlif dövlət qurumlarının, hərbi və mülki təhsil müəssisələrinin nümayəndələri, professorlar və mütəxəssislər iştirak ediblər.

Tədbir çərçivəsində müdafiə və milli təhlükəsizlik sahəsində aktual məsələlər, müasir hərb elminin inkişaf perspektivləri və qurumlararası əməkdaşlıq imkanları ətrafında müzakirələr aparılıb. Seksiyalar üzrə keçirilən iclaslarda müvafiq istiqamətlər üzrə elmi məruzələr dinlənilib və fikir mübadiləsi aparılıb.

Konfransın sonunda iştirakçılara sertifikatlar təqdim olunub.