Azərbaycan Respublikası Müdafiə Nazirliyi Milli Müdafiə Universiteti “İdarəetmə akademik kurs”a qəbul ELAN EDİR

Milli Müdafiə Universiteti cari ilin 14-25 may tarixlərində “İdarəetmə akademik kurs”a elektron sənəd qəbulu elan edir.

“İdarəetmə akademik kurs”u Azərbaycan Ordusunun qoşun (qüvvə) növü və birlik qərargahlarında əməliyyatların idarə olunması və qərargah fəaliyyətlərinin həyata keçirilməsi üzrə zabitlərin hazırlanması məqsədilə 1 il müddətinə əyani formada təşkil olunacaqdır.

Kursa baş zabit vəzifələrində xidmət edən hərbi qulluqçular müraciət edə bilər.

Qəbul olmuş namizədlər sırasından xarici ölkələrdə təşkil olunacaq ekvivalent kurslara göndərilməsi nəzərdə tutulur.

Kursa qəbul imtahanlarının tarixi və yeri barədə məlumat namizədlərə rəsmi qaydada bildiriləcəkdir.

mmu.edu.az saytının “Təhsil müəssisələrinə qəbul” bölməsindəki “İdarəetmə akademik kurs” hissəsində ətraflı məlumat əldə etmək mümkündür.

Əlaqə məlumatları:

Telefon: (012) 404-18-45

Çağrı mərkəzi: *0811

E-poçt: admission@mmu.edu.az

Ünvan: Bakı şəhəri, Qızıl Şərq 13. AZ1065