Bakı Hərbi Kollecinin kursantlarının təcrübə mərhələsinə start verilib
Milli Müdafiə Universitetinin tabeliyində fəaliyyət göstərən Bakı Hərbi Kollecinin 2-ci kursunda təhsil alan kursantlar tədris prosesinin təqvim qrafikinə uyğun olaraq hərbi hissə, müəssisə və təşkilatlarda təcrübə prosesinə başlayıblar.
Təcrübənin məqsədi kursantların nəzəri biliklərini praktiki bacarıqla möhkəmləndirmək, dərs prosesində öyrəndikləri hərbi bilikləri real qoşun şəraitində tətbiq etmək və gələcək peşəkar gizir kimi formalaşmalarını təmin etməkdir.
Təcrübə hər bir ixtisas üzrə hazırlanmış proqramlara uyğun olaraq həyata keçirilir.
Təcrübənin sonunda müvəffəqiyyət qazanan kursantlara “subbakalavr” peşə ixtisas dərəcəsi, sertifikat, döş nişanı, ixtisas üzrə 3-cü məharət dərəcəsi və “gizir” hərbi rütbəsi veriləcək.
