Milli Müdafiə Universitetinin nümayəndə heyəti Türkiyə Milli Müdafiə Universitetinin Xarici dillər üzrə tədris müəssisələrini ziyarət edib

Milli Müdafiə Universitetinin nümayəndə heyəti Türkiyə Milli Müdafiə Universitetinin Xarici dillər üzrə tədris müəssisələrini ziyarət edib

Türkiyə Azərbaycan Yüksək Dialoq İclasının protokoluna əsasən Milli Müdafiə Universitetinin Hərbi İdarəetmə İnstitutunun Xarici Dil Mərkəzi və Heydər Əliyev adına Hərbi İnstitutun nümayəndələri 16-19 iyun 2025-ci il tarixlərdə Türkiyə və Azərbaycan arasında hərbi təhsil sahəsindəki əməkdaşlığı gücləndirmək və xarici dillərin öyrənilməsi üzrə təcrübə mübadiləsi məqsədilə Türkiyə Milli Müdafiə Universitetinin Xarici Dillər üzrə tədris müəssisələrini ziyarət edib.

Ziyarət zamanı heyət İstanbul və İzmir şəhərlərindəki müvafiq tədris müəssisələrində olub, burada yaradılmış tədris şəraiti, mövcud imkanlar və dərslərin planlama prosesi ilə tanış olub və nümunəvi dərslərdə iştirak edib. Daha sonra təcrübə mübadiləsi aparılıb və gələcəkdə qarşılıqlı əməkdaşlığın daha da inkişaf etdirilməsi imkanları müzakirə olunub.

Səfər, qarşılıqlı əməkdaşlığın inkişafı yolunda əhəmiyyətli bir mərhələ kimi qiymətləndirilib.