Naxçıvan Hərbi Kollecində İngilis dili kursunun buraxılış mərasimi keçirilib

Milli Müdafiə Universitetinin tabeliyində fəaliyyət göstərən Naxçıvan Hərbi Kollecində intensiv ingilis dili kursunun buraxılış mərasimi keçirilib.

Əvvəlcə xalqımızın Ümummilli Lideri Heydər Əliyevin və Azərbaycan Respublikasının ərazi bütövlüyü, suverenliyi uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib.

Tədbirdə Naxçıvan Hərbi Kollecinin rəisi polkovnik-leytenant Yaşar Hüseynov çıxış edərək kursu müvəffəqiyyətlə bitirən hərbi qulluqçuları təbrik edib və gələcək fəaliyyətlərində uğurlar arzulayıb.

Daha sonra kursun rəhbəri və kursu müvəffəqiyyətlə başa vuran kurs birincisi çıxış edərək kursla bağlı təəssüratlarını bölüşüblər.

Sonda kursu bitirənlərə sertifikatlar təqdim olunub və xatirə şəkli çəkilib.