Naxçıvan Hərbi Kollecinin kursantları təlimlərdə iştirak edir

Milli Müdafiə Universitetinin tabeliyində fəaliyyət göstərən Naxçıvan Hərbi Kollecinin kursantları Komando başlanğıc kursu çərçivəsində “Dağ hazırlığı” ixtisası üzrə çoxməqsədli qüllə təlim məşğələsində iştirak edirlər.

Təlimin əsas məqsədi kursantların döyüş vərdişlərini təkmilləşdirmək, ekstremal hava şəraitində sağ qalma, yüksək dağlıq ərazilərdə hərəkət və mövqe tutma, alpinizm texnikaları, yön tapma və xüsusi taktiki hazırlıq üzrə biliklərini artırılması və mürəkkəb relyef şəraitində bacarıqlarını qiymətləndirməsidir.

Təlimlər zamanı nəzəri biliklər və praktik sınaqlardan uğurla keçən kursantlar müvafiq sertifikatlar və döş nişanları ilə təltif olunacaqlar.