Naxçıvan Hərbi Kollecinin kursantları tarixi abidələri ziyarət edib

Milli Müdafiə Universitetinin tabeliyində fəaliyyət göstərən Naxçıvan Hərbi Kollecində gənc kursantların dünyagörüşünün genişləndirilməsi və milli-mənəvi dəyərlərə bağlılığın möhkəmləndirilməsi məqsədilə müəllim heyəti və Azərbaycanın müxtəlif bölgələrindən yeni qəbul olunmuş kursantlar üçün Naxçıvan şəhərinin tarixi-mədəni məkanlarına səfər təşkil edilib.

Səfər zamanı kursantlar şəhərin tarixi abidələrini, muzeylərini və mühüm obyektlərini ziyarət edib, memorial komplekslərdə xalqımızın qəhrəmanlıq səhifələri ilə yaxından tanış olublar.

Gənc kursantlar üçün xüsusi əhəmiyyət kəsb edən bu maarifləndirici tur, onların vətənpərvərlik ruhunun gücləndirilməsi və milli kimliklərinin möhkəmləndirilməsində mühüm rol oynayır.