Naxçıvan Hərbi Kollecinin kursantları praktiki məşğələlərə cəlb olunub

13 oktyabr 2025-ci il tarixdə Milli Müdafiə Universitetinin tabeliyində fəaliyyət göstərən Naxçıvan Hərbi Kollecinin kursantları üçün Naxçıvan şəhərində yerləşən Hərbi Bərpa İstehsalat Kompleksində Hərbi Kollecin “Nəqliyyat vasitələrinin istismarı” ixtisası üzrə praktiki məşğələ keçirilib.

Məşğələ zamanı kursantlara hərbi texnikanın texniki qulluq və istismar qaydaları, nəqliyyat vasitələrinin bərpası, ehtiyat hissələrinin dəyişdirilməsi, texniki baxışın təşkili və təhlükəsizlik tədbirləri barədə əyani məlumatlar təqdim olunub. Kursantlar hərbi texnikanın texniki vəziyyətinin yoxlanılması, nasazlıqların aradan qaldırılması və baxım prosesində bilik və bacarıqlarını praktik olaraq möhkəmləndiriblər.

Müvafiq ixtisaslarla praktik məşğələlər tədris planına uyğun şəkildə həyata keçiriləcək.