Naxçıvan Hərbi Kollecində hərbi ixtisas dərsləri praktiki müstəvidə tədris edilir

Milli Müdafiə Universitetinin tabeliyində fəaliyyət göstərən Naxçıvan Hərbi Kollecinin II kursunda təhsil alan kursantların hərbi ixtisas fənləri üzrə tədris prosesinin səmərəliliyinin artırılması məqsədilə hərbi müəssisələrdə praktiki məşğələlər həyata keçirilir.

Keçirilən məşğələlər zamanı kursantlar hərbi xidmətin müxtəlif sahələri ilə yaxından tanış olur, ixtisaslarına uyğun olaraq bilik və bacarıqlarını real şəraitdə tətbiq etmə imkanı qazanırlar. Tədrisin bu forması kursantlarda məsuliyyət hissinin, kollektivdə işləmək bacarığının və operativ qərarvermə qabiliyyətinin formalaşmasına xidmət edir.

Naxçıvan Hərbi Kollecində həyata keçirilən bu cür praktiki dərslər kursantların nəzəri biliklərini möhkəmləndirməklə yanaşı, onların gələcək xidməti fəaliyyətlərində daha peşəkar, müasir tələblərə cavab verən hərbi qulluqçu kimi yetişmələrinə mühüm töhfə verir.