Naxçıvan Hərbi Kollecində praktiki məşğələlər davam edir
Milli Müdafiə Universitetinin tabeliyində fəaliyyət göstərən Naxçıvan Hərbi Kollecinin II kursunda təhsil alan kursantlar Naxçıvan Teleradiosunda praktiki dərsdə iştirak ediblər.
Tədris prosesi çərçivəsində kursantlar televiziya və radio yayımının texniki mərhələləri, montaj prosesi, həmçinin radio aparat və qurğularının işləmə prinsipləri ilə yaxından tanış olublar.
Kecirilən bu kimi praktiki məşğələlər kursantların peşəkar bilik və bacarıqlarının təkmilləşdirilməsinə, onların tətbiqi vərdişlərinin formalaşmasına, gələcəkdə xidməti fəaliyyətlərində müasir texnoloji vasitələrlə daha səmərəli işləmələrinə mühüm töhfə verir.
