Şagirdlər Cəmşid Naxçıvanski adına Hərbi Liseyi ziyarət edib
Xətai rayonununda yerləşən 191 nömrəli tam orta məktəbin 8-ci sinif şagirdləri və müəllim heyəti Milli Müdafiə Universitetinin tabeliyində fəaliyyət göstərən Cəmşid Naxçıvanski adına Hərbi Liseyi ziyarət ediblər.
Qonaqlar Hərbi Liseyin rəhbərliyini, müəllimləri və kursantları 8 Noyabr - Zəfər Günü və qələbəmizin 5-ci ildönümü münasibətilə təbrik ediblər.
Daha sonra qonaqlar liseydə fəaliyyət göstərən Heydər Əliyev Muzeyini ziyarət edib, Ulu Öndərin həyat və fəaliyyətini əks etdirən eksponatlara böyük maraqla tamaşa ediblər.
Ziyarətin planına uyğun olaraq qonaqlar Hərbi Liseyin 44 günlük Vətən Müharibəsində şəhid olmuş 120 məzununun əziz xatirəsinə yaradılmış muzeyi də ziyarət ediblər.
Ziyarət zamanı qonaqlara liseyin tarixi, tədris prosesi və hərbi-intizam qaydaları barədə ətraflı məlumat verilib.
Mehriban və səmimi mühitdə keçən görüş qonaqlarda dərin təəssürat yaradib və onlar yaradılmış şəraitə görə liseyin rəhbərliyinə minnətdarlıqlarını bildiriblər.
Ziyarətin əsas məqsədi şagirdlərdə vətənpərvərlik ruhunun gücləndirilməsi, hərbi xidmətə marağın artırılması və gənclərdə milli-mənəvi dəyərlərə hörmət hissinin formalaşdırılması olub.
