Naxçıvan Hərbi Kollecində “Yeniyetmələrin vətənpərvərlik ruhunda formalaşmasında mütaliənin rolu” mövzusunda tədbir keçirilib
Milli Müdafiə Universitetinin tabeliyində fəaliyyət göstərən Naxçıvan Hərbi Kollecində Naxçıvan Muxtar Respublikası Məmməd Səid Ordubadi adına Respublika Kitabxanasının və Naxçıvan Hərbi Kollecinin Kitabxanasının birgə təşkilatçılığı ilə “Yeniyetmələrin vətənpərvərlik ruhunda formalaşmasında mütaliənin rolu” mövzusunda tədbir keçirilib.
Tədbirdə Məmməd Səid Ordubadi adına Respublika Kitabxanasının direktoru Tamella Əsgərova, Naxçıvan Hərbi Kollecinin kitabxana müdiri Nərmin Cəfərova, Məmməd Səid Ordubadi adına Naxçıvan Muxtar Respublikası Respublika Kitabxanasının Oxuculara Xidmət Şöbəsinin müdiri Aysel Musayeva və kitabxananın Kütləvi İş Şöbəsinin müdiri Turqay Orucov çıxış ediblər.
Çıxışlarda mütaliənin əhəmiyyəti, kitab oxumağın şəxsiyyətin formalaşmasında və dünyagörüşünün inkişafında oynadığı roldan danışılıb, yeniyetmələrin vətənpərvərlik ruhunda tərbiyəsində kitabın müstəsna rolunu vurğulanıb.
Tədbirin keçirilməsində əsas məqsəd kursantlarda kitab oxumağa marağı artırmaq, onların intellektual inkişafına töhfə vermək və asudə vaxtın daha səmərəli təşkilinə dəstək olmaq olub.
Sonda tədbir iştirakçıları ilə xatirə şəkli çəkilib.
