Hərbi Liseydə intellektual bilik yarışması-viktorina keçirilib
Hərbi Liseydə intellektual bilik yarışması-viktorina keçirilib
Milli Müdafiə Universitetinin tabeliyində fəaliyyət göstərən Cəmşid Naxçıvanski adına Hərbi Liseydə Konstitusiya və Suverenlik ili çərçivəsində "Zəfər ətirli 5 il" adlı intellektual bilik yarışması-viktorina keçirilib.
Viktorinanın məqsədi kursantların intellektual bilik səviyyələrinin yüksəldilməsi, komandada işləmək bacarıqlarının artırılması, liderlik qabiliyyətlərinin inkişaf etdirilməsi olub.
Viktorinada Hərbi Liseyin kursantlarından ibarət "Zəfər", "Hədəf, "Hünər", "Zirvə" və "Dəmir yumruq" adlı komandalar sualları cavablandırıblar.
Gərgin mübarizə şəraitində keçən viktorina münsiflər heyəti tərəfindən yüksək qiymətləndirilib.
Komandalar arasında "Zəfər" komandası daha fəal iştirak edərək viktorinanın qalibi olub.
Sonda qalib komandanın üzvləri Hərbi Liseyin rəhbərliyi tərəfindən fəxri fərman və qiymətli hədiyyələrlə təltif olunublar. Bundan əlavə olaraq komandaların kapitanlarına liseyin şəhid məzunlarının qol saatları keçici hədiyyə olaraq təqdim olunub.
