Kursantlar Hərbi Qənimətlər Parkını ziyarət ediblər
Milli Müdafiə Universitetinin tabeliyində fəaliyyət göstərən Bakı Hərbi Kollecinin kursantları Hərbi Qənimətlər Parkını ziyarət ediblər.
Ziyarət zamanı kursantlar Vətən müharibəsi dövründə düşməndən ələ keçirilmiş hərbi texnika, silah-sursat və digər qənimətlərlə yaxından tanış olublar.
Park ərazisində nümayiş etdirilən eksponatlar kursantlarda hərbi tariximiz, ordumuzun qazandığı şanlı Qələbə və Azərbaycan Silahlı Qüvvələrinin döyüş gücü haqqında dolğun təsəvvür formalaşdırıb. Eyni zamanda, bu ziyarət kursantların vətənpərvərlik ruhunun yüksəldilməsinə, hərbi biliklərinin artırılmasına mühüm töhfə verib.
Sonda kursantlar parkda yaradılan şəraitdən məmnunluq ifadə edərək, bu cür maarifləndirici ziyarətlərin əhəmiyyətini vurğulayıblar.
