Naxçıvan Hərbi Kollecinin kursantları idman yarışının qalibi olublar

Milli Müdafiə Universitetinin tabeliyində fəaliyyət göstərən Naxçıvan Hərbi Kollecində “Konstitusiya və Suverenlik ili” çərçivəsində Naxçıvan şəhər İdman İdarəsinin təşkilatçılığı ilə ali və orta ixtisas təhsili müəssisələrin yeniyetmə və gəncləri arasında qol güləşi üzrə yarış keçirilib.

Yarışda Naxçıvan Hərbi Kollecinin kursantları Ağahüseyinov Kamran Zaur oğlu, Rəhimov Ramal Azif oğlu və Məhsimov Fərid Zahuddin oğlu I yerə, Qaflanov Salam Eyvaz oğlu isə II yerə layiq görülüblər.

Sonda qalib olan kursantlar diplom və hədiyyələrlə mükafatlandırılıblar.