Kursantlarla praktiki məşğələlər davam edir

Milli Müdafiə Universitetinin tabeliyində fəaliyyət göstərən Bakı Hərbi Kollecinin 2-ci kursunda təhsil alan kursantlar Hərbi Dəniz Qüvvələrinin hərbi hissəsində “Hərbi gəmilərin və uçan aparatların işıqları və işarələri” mövzusunda keçirilmiş praktiki məşğələlərə cəlb edilib.

Məşğələlər zamanı kursantlara hərbi gəmilərdə və uçan aparatlarda istifadə olunan işıq siqnallarının, tanınma nişanlarının və xəbərdarlıq işarələrinin təyinatı əyani şəkildə izah olunub, nəzəri biliklər real şəraitdə tətbiq edilib, kursantların peşə hazırlığının artırılması və praktiki bacarıqlarının möhkəmləndirilməsi məqsədilə interaktiv izahlar və nümayişlər həyata keçirilib.

Praktiki hissədə kursantlar müxtəlif vəziyyətlərdə tətbiq edilən işıq və işarələrin oxunması, fərqləndirilməsi və düzgün şərh edilməsi üzrə tapşırıqlar yerinə yetiriblər.

Təlim prosesində kursantların fəallığı təmin olunub, suallar cavablandırılıb və mövzu ətrafında müzakirələr aparılıb.