Hərbi İdarəetmə İnstitutunun dinləyiciləri "Teleradio" MMC-nin fəaliyyəti ilə tanış olublar

Milli Müdafiə Universitetinun tabeliyində fəaliyyət göstərən Hərbi İdarəetmə İnstitutunun "Strateji araşdırmalar və dövlət müdafiəsi idarəetmə akademik kursu"nun dinləyiciləri tədris proqramına uyğun olaraq "Radio-Televiziya Yayımı və Peyk Kommunikasiyası" Məhdud Məsuliyyətli Cəmiyyətə tanışlıq səfəri həyata keçiriblər.

Ziyarət çərçivəsində dinləyicilərə cəmiyyətin fəaliyyəti, struktur bölmələri, televiziya və radio istehsal prosesi, informasiya siyasətinin formalaşdırılması və ictimai rəyin idarə olunmasında medianın rolu barədə ətraflı məlumat verilib.

Görüş zamanı müasir informasiya mühiti, strateji kommunikasiya, dövlət maraqlarının informasiya məkanında qorunması və milli təhlükəsizliyin təminində medianın əhəmiyyəti mövzularında fikir mübadiləsi aparılıb.

Ziyarət dinləyicilərin strateji idarəetmə, informasiya təhlükəsizliyi və dövlət-milli maraqlar kontekstində media mexanizləri haqqında biliklərin artırılmasına xidmət edib.

Sonda ziyarətçilərə hədiyyələr təqdim olunub və xatirə fotosu çəklib.