Kursantlar Azərbaycan Milli Kitabxanasını ziyarət ediblər
Milli Müdafiə Universitetinin tabeliyində fəaliyyət göstərən Bakı Hərbi Kollecinin kursantları Milli-mənəvi dəyərlərlə yaxından tanış olmaq məqsədilə Azərbaycan Milli Kitabxanasını ziyarət ediblər.
Ekskursiya zamanı kursantlara kitabxananın tarixi, fəaliyyəti, fondları və oxucular üçün yaradılmış imkanlar barədə ətraflı məlumat verilib, oxu zalları, arxiv bölməsi və elektron kataloq sistemi nümayiş etdirilib, kitab və məlumatlardan düzgün istifadə qaydaları izah olunub. Eyni zamanda, kitabxananın elmi-tədqiqat işləri üçün yaratdığı imkanlar, beynəlxalq əlaqələri və rəqəmsal xidmətləri barədə də məlumat verilib.
Bu ziyarət kursantların elmi dünyagörüşünün genişlənməsinə, müstəqil araşdırma bacarıqlarının formalaşmasına və mütaliəyə marağın artmasına mühüm töhfə verib.
