Kursantlar Azərbaycan Milli Tarix Muzeyini ziyarət ediblər

Milli Müdafiə Universitetinin tabeliyində fəaliyyət göstərən Bakı Hərbi Kollecinin kursantları milli-mənəvi irsimizin öyrənilməsi və tarixi biliklərinin artırılması məqsədilə Azərbaycan Milli Tarix Muzeyini ziyarət ediblər.

Ziyarət zamanı kursantlar Azərbaycan tarixinin qədim dövrlərindən müasir mərhələyədək olan inkişaf yolunu əks etdirən zəngin ekspozisiya ilə yaxından tanış olub, xüsusilə Azərbaycan Ordusunun formalaşması, hərbi ənənələrin inkişafı və müstəqillik dövründə əldə olunan nailiyyətlər barədə maraqlı məlumatlar əldə ediblər.

Bu cür maarifləndirici ziyarətlər kursantlarda vətənpərvərlik ruhunun güclənməsinə, tarixi yaddaşın möhkəmlənməsinə və milli dəyərlərə hörmət hissinin aşılanmasına mühüm töhfə verir.