Dinləyicilər Dövlət Dəniz və Liman Agentliyinə tanışlıq səfəri ediblər

Milli Müdafiə Universiteti tabeliyində fəaliyyət göstərən Hərbi İdarəetmə İnstitutunun "Strateji araşdırmalar və dövlət müdafiəsi idarəetmə akademik kursu"nun dinləyiciləri tədris proqramına uyğun olaraq Dövlət Dəniz və Liman Agentliyinə tanışlıq səfəri həyata keçiriblər.

Səfər çərçivəsində dinləyicilərə müasir logistika və dəniz təhlükəsizlik sahələri üzrə ətraflı məlumat verilib, müvafiq istiqamətlər üzrə praktiki məsələlər müzakirə olunub. Görüş zamanı qarşılıqlı fikir mübadiləsi aparılıb, sahə üzrə təcrübə paylaşımı həyata keçirilib.

Tanışlıq səfəri, dinləyicilərin bilik və dünyagörüşünün artırılması ilə yanaşı, gələcəkdə müvafiq qurumlar arasında əməkdaşlıq imkanlarının möhkəmləndirməsi məqsədi daşıyır.

Ziyarətin sonunda xatirə fotosu çəkilib, hədiyyə təqdim olunub.