Hərbi Tibb Fakültəsinin kursantları Simulyasiya Mərkəzində təlimlərə cəlb olunublar
Hərbi Tibb Fakültəsinin Hərbi feldşer hazırlığı kursunun 3-cü kursunda təhsil alan kursantlar İ.M. Seçenov adına Birinci Moskva Dövlət Tibb Universitetinin Bakı filialının Bakı Sağlamlıq Mərkəzi kompleksində yerləşən Simulyasiya Mərkəzində təşkil edilən təlimlərdə iştirak edirlər.
Təlimlər zamanı kursantlar müasir tibbi simulyasiya avadanlıqlarından istifadə etməklə təcili tibbi yardımın göstərilməsi, ilkin tibbi müdaxilə, reanimasiya tədbirləri və digər vacib praktiki bacarıqlar üzrə bilik və vərdişlərini təkmilləşdirirlər.
Bu təlimlər kursantların nəzəri biliklərinin praktiki tətbiqini gücləndirməyə, real şəraitə yaxın mühitdə tibbi qərarvermə bacarıqlarını inkişaf etdirməyə və onların gələcək xidmət fəaliyyətinə daha hazırlıqlı olmalarına xidmət edir.
Təlimlər 13 mart 2026-cı il tarixədək davam edəcək.
