Naxçıvan Hərbi Kollecində “Milli dəyərlər və Azərbaycançılıq məfkurəsi” mövzusunda seminar keçirilib
Milli Müdafiə Universitetinin tabeliyində fəaliyyət göstərən Naxçıvan Hərbi Kollecində “Milli dəyərlər və Azərbaycançılıq məfkurəsi” mövzusunda seminar keçirilib.
Seminarda Naxçıvan Muxtar Respublikası Ali Məclisinin deputatı, tarix üzrə fəlsəfə doktoru, dosent Asəf Orucov çıxış edərək milli-mənəvi dəyərlərimizin qorunması və təbliğinin əhəmiyyətindən, azərbaycançılıq məfkurəsinin gənclərin vətənpərvərlik ruhunda formalaşmasındakı rolundan bəhs edib. Çıxış zamanı bu ideologiyanın milli kimliyin möhkəmləndirilməsi, dövlətçilik ənənələrinin yaşadılması və gələcək nəsillərə ötürülməsi baxımından əhəmiyyətli olduğu vurğulanıb.
Seminarın sonunda kursantları maraqlandıran suallar cavablandırılıb.
