Kursantlar idman yarışının qalibi olublar
Milli Müdafiə Universitetinin tabeliyində fəaliyyət göstərən Heydər Əliyev adına Hərbi İnstitutun kursantı Hacıyev Abbas Əli oğlu, Naxçıvan Hərbi Kollecinin kursantı İbrahimov Nihad Elçin oğlu və Cəmşid Naxçıvanski adına Hərbi Liseyin kursantı Əmrahov Adəm Elsevər oğlu Alpaqut Turan Döyüşü (Batu) üzrə keçirilən Azərbaycan Kubokunda iştirak ediblər.
Hər üc kursant yarışda daha yüksək peşəkarlıq, fiziki hazırlıq və döyüş taktikası nümayiş etdirərək öz çəkiləri üzrə 1-ci yerə layiq görülüblər.
Milli Müdafiə Universiteti olaraq kursantlarımızı təbrik edir, onlara təhsildə və idman fəaliyyətlərində daha yüksək nailiyyətlər arzu edirik.
