Naxçıvan Hərbi Kollecində şagirdlərlə təbliğat xarakterli görüş keçirilib
Milli Müdafiə Universitetinin tabeliyində fəaliyyət göstərən Naxçıvan Hərbi Kollecində Naxçıvan Muxtar Respublikasının Naxçıvan şəhərində yerləşən 17 ümumtəhsil məktəbin 9 və 11-ci sinif şagirdləri üçün təbliğat və maarifləndirmə tədbiri təşkil olunub.
Tədbir çərçivəsində şagirdlərə Milli Müdafiə Universitetinin tabeliyində fəaliyyət göstərən xüsusi təyinatlı təhsil müəssisələrinə qəbul qaydaları və şərtləri barədə ətraflı məlumat verilib, həmçinin onları maraqlandıran suallar cavablandırılıb.
Daha sonra şagirdlər kollecin maddi-texniki bazası, həmçinin tədris prosesi, kursantların fiziki və intellektual inkişafı üçün yaradılan imkanlarla tanış olub, ümumilikdə müəssisədə yaradılmış sosial-məişət şəraiti barədə məlumat əldə ediblər.
