Heydər Əliyev adına Hərbi İnstitutda intellektual bilik yarışması keçirilib
Milli Müdafiə Universitetinin tabeliyində fəaliyyət göstərən Heydər Əliyev adına Hərbi İnstitutda Xarici dillər kafedrasının təşkilatçılığı ilə Azərbaycan xalqının Ümummilli Lideri Heydər Əliyevin anadan olmasının 103-cü ildönümünə həsr olunmuş “Beynəlxalq arenada qələbə” adlı intellektual bilik yarışması keçirilib.
Yarışda iştirakçılar ingilis dilində ünsiyyət və təqdimat, komanda işi, liderlik və beynəlxalq hərbi-diplomatik kommunikasiya bacarıqlarını nümayiş etdiriblər.
Yarışda Hərbi İnstitutun 1-ci kursunda təhsil alan kursantlarından ibarət “Dəmir döyüşçülər”, “İldırım zərbələri” və “Dəniz qartalları və mavi qartallar” adlı komandalar iştirak edib.
“Dəmir döyüşçülər” komandası yüksək nəticələr göstərərək yarışın qalibi olub.
