Kursantların hərbi intizamının yüksəldilməsi ilə bağlı silsilə tədbirlər davam edir
Milli Müdafiə Universitetinin tabeliyində fəaliyyət göstərən Naxçıvan Hərbi Kollecində kursantların hərbi intizamının daha da möhkəmləndirilməsi, onların dünyagörüşünün genişləndirilməsi, vətənpərvərlik ruhunun gücləndirilməsi və milli-mənəvi dəyərlərə sadiqliyin aşılanması istiqamətində “Özünüdərk” layihəsi uğurla həyata keçirilib.
“Özünüdərk” layihəsi çərçivəsində kursantların şəxsi inkişafının dəstəklənməsi, liderlik keyfiyyətlərinin formalaşdırılması, psixoloji dayanıqlılığının artırılması və sağlam mənəvi mühitin təşviqi məqsədilə müxtəlif aktual mövzuları əhatə edən ardıcıl və məqsədyönlü seminar-məşğələlər təşkil olunur.
Keçirilən seminarlar zamanı kursantlara özünüdərk, fərdi məsuliyyət, etik davranış qaydaları, kollektivdə münasibətlər, milli dəyərlərin qorunması və müasir çağırışlara uyğun düşüncə tərzinin formalaşdırılması kimi mövzularda geniş məlumat verilir, interaktiv müzakirələr aparılır.
Bu tədbirlər kursantların hərtərəfli inkişafına, onların gələcəkdə peşəkar, intizamlı və yüksək mənəvi keyfiyyətlərə malik hərbi qulluqçular kimi formalaşmasına mühüm töhfə verir.
