Milli Müdafiə Universitetinin hərbi qulluqçusu NATO Regional Əməkdaşlıq kursunu uğurla başa vurub
İtaliya Respublikasının paytaxtı Roma şəhərində yerləşən NATO Müdafiə Kollecində (NDC) 35-ci NATO Regional Əməkdaşlıq kursunun (NRCC-35) buraxılış mərasimi keçirilib.
Kollecdə təhsil alan Milli Müdafiə Universitetinin hərbi qulluqçusu polkovnik-leytenant Anar Nurəddinov bütün akademik tələbləri yerinə yetirərək kursu uğurla başa vurub. Hərbi qulluqçumuz kurs müddətində NATO-nun institusional mexanizmləri və müasir hibrid təhdidlər üzrə dərin təhlil bacarığı, eləcə də müzakirələrdə fəallığı ilə seçilib.
Tədbirin sonunda məzunlara hərbi təhsil müəssisəsinin komandanı tərəfindən diplomlar təqdim edilib.
