Hərbi Tibb Fakültəsində Tələbə Elmi Cəmiyyəti – VIII elmi-praktik konfrans keçirilib
Azərbaycan Tibb Universitetinin Hərbi Tibb Fakültəsində hərbi təbabətin aktual məsələlərinə və innovativ həllərə həsr olunmuş VIII konfrans keçirilib.
Tədbir Azərbaycan xalqının Ümummilli Lideri Heydər Əliyevin və vətənimizin azadlığı uğrunda şəhid olan soydaşlarımızın əziz xatirələrinin bir dəqiqəlik sükutla yad edilməsi ilə başlayıb.
Açılışda çıxış edənlər gənc kadrların elmi hazırlığının ordunun gələcəyi üçün vacibliyini vurğulayıblar. Konfransda Müdafiə Nazirliyi və elmi ictimaiyyətin nümayəndələri çıxış edərək hərbi tibbdə elmi tədqiqatların əhəmiyyətindən danışıblar. Eyni zamanda, fakültənin illik fəaliyyəti təqdim olunub.
Qeyd olunub ki, hərbi həkimlik yüksək bilik və fədakarlıq tələb edən şərəfli peşədir və bu ənənə gənc kursantlar tərəfindən uğurla davam etdirilir.
Konfransda təqdim olunan innovativ yanaşmaların hərbi tibb elminin inkişafına töhfə verəcəyi vurğulanıb.
