Naxçıvan Hərbi Kollecində praktiki dərslər uğurla davam edir
Milli Müdafiə Universitetinin tabeliyində fəaliyyət göstərən Naxçıvan Hərbi Kollecində “Uçan aparatların texniki istismarı (orta ixtisas təhsili)” ixtisası üzrə təhsil alan kursantlar praktiki məşğələlər çərçivəsində döyüş texnikalarının yaz-yay mövsümünə texniki xidmət prosesi ilə tanış olublar.
Dərs zamanı kursantlara mövsümi baxış, texniki xidmət qaydaları, istismar xüsusiyyətləri və təhlükəsizlik normaları barədə ətraflı məlumat verilib. Eyni zamanda, onlar praktiki olaraq texniki xidmət prosesində iştirak edərək texnikanın saxlanılması və istismarı sahəsində təcrübə qazanıblar.
Belə praktiki məşğələlər kursantların nəzəri biliklərinin möhkəmləndirilməsinə, peşəkar hazırlıq səviyyəsinin yüksəldilməsinə və gələcək xidmət fəaliyyətinə daha hazırlıqlı olmalarına mühüm töhfə verir.
