Kursantların praktiki məşğələləri davam edir
Milli Müdafiə Universitetinin tabeliyində fəaliyyət göstərən Bakı Hərbi Kollecində kursantların praktiki məşğələləri planauyğun şəkildə davam etdirilir.
“Aviasiya mühərriklərinin konstruksiyası”, “Aviasiya avadanlıqlarının istismarı” və “Aviasiya silahlarının istismarı” mövzularını əhatə edən məşğələlərin əsas məqsədi kursantların nəzəri biliklərini möhkəmləndirmək, peşə hazırlığını təkmilləşdirmək və gələcək gizir kimi xidmətə hazırlıq səviyyələrini artırmaqdır.
Məşğələlər zamanı kursantlar aviasiya texnikasının quruluşu və istismar qaydaları üzrə praktiki bacarıqlar əldə edir, müxtəlif tapşırıqların icrası zamanı operativ qərarvermə və kollektiv fəaliyyət vərdişlərini inkişaf etdirirlər.
