Naxçıvan Hərbi Kollecində Xaqani Şirvaninin 900 illik yubileyinə həsr olunmuş tədbir keçirilib
Milli Müdafiə Universitetinin tabeliyində fəaliyyət göstərən Naxçıvan Hərbi Kollecində “Qılınc və qələm” layihəsi çərçivəsində Azərbaycan Respublikasının Prezidenti cənab İlham Əliyevin 26 yanvar 2026-cı il tarixli müvafiq Sərəncamına uyğun olaraq böyük Azərbaycan şairi Xaqani Şirvaninin 900 illik yubileyinə həsr olunmuş “Xaqani Şirvani - Gənclərə nəsihət” adlı poeziya günü keçirilib.
Əvvəlcə Ulu Öndər Heydər Əliyevin və Azərbaycan Respublikasının ərazi bütövlüyü, suverenliyi, müstəqilliyi uğrunda canlarından keçmiş şəhidlərin əziz xatirəsi bir dəqiqəlik sükutla yad edilib. Azərbaycan Respublikasının Dövlət Himni səsləndirilib. Daha sonra tədbirlə əlaqədar videoçarx izlənilib.
Tədbirdə Naxçıvan Hərbi Kollecinin rəisi, polkovnik Yaşar Hüseynov, Naxçıvan Muxtar Respublikası Yazıçılar Birliyinin sədri Asim Yadigar, həmçinin Naxçıvanın tanınmış şairləri çıxış ediblər.
Çıxışlar zamanı böyük söz ustadı Xaqani Şirvaninin yaradıcılığı və ədəbi irsi haqqında məlumat verilib, şairlər, həmçinin kursantlar və müəllimlər tərəfindən müxtəlif şeirlər səsləndirilib. Tədbir kursantların vətənpərvərlik mövzusunda ifa etdikləri musiqi nömrələri ilə yadda qalıb.
Sonda xatirə şəkilləri çəkilib.
