Azərbaycan və Türkiyə Milli Müdafiə Universitetlərinin kursantları arasında onlayn telekonfrans keçirilib - VİDEO
Heydər Əliyev adına Hərbi İnstitutun və Türkiyə Milli Müdafiə Universitetinin hazırlıq kursunun kursantları arasında “Qardaşlıq Körpüsü: Kursant Qardaşlığı Dialoqu” adlı onlayn telekonfrans keçirilib.
Telekonfransın əsas məqsədi dostluq və qardaşlıq münasibətlərini möhkəmləndirmək, qarşılıqlı təcrübə və bilik mübadiləsini təşviq etmək, həmçinin texnologiyalar sahəsində məlumatlılığını artırmaq olub. Konfrans zamanı müasir hərbi təhsil, texnologiyanın müasir müharibədə rolu, kibertəhlükəsizlik və pilotsuz uçuş aparatları mövzularında fikir mübadiləsi aparılıb.
İştirakçılar bu cür dialoq və elmi-praktik görüşlərin Azərbaycan və Türkiyədə təhsil alan kursantlar arasında dostluq, həmrəylik və peşəkar əməkdaşlığın daha da möhkəmlənməsinə töhfə verdiyini qeyd ediblər.
