Heydər Əliyev adına Hərbi İnstitutun Hərbi Dəniz Qüvvələri fakültəsinin bir qrup şəxsi heyəti Bolqarıstanın Varna şəhərində keçirilən “Gəmi idarəetmə və naviqasiya təhlükəsizliyi” kursunda iştirak ediblər
Milli Müdafiə Universitetinin tabeliyində fəaliyyət göstərən Heydər Əliyev adına Hərbi İnstitutun Hərbi Dəniz Qüvvələri fakültəsinin bir qrup şəxsi heyəti 26–30 may 2026-cı il tarixlərində Bolqarıstanın Varna şəhərində keçirilən “Gəmi idarəetmə və naviqasiya təhlükəsizliyi” kursunda iştirak ediblər.
Kurs çərçivəsində iştirakçılar gəminin hərəkət körpüsü simulyatorunda naviqasiya təhlükəsizliyinin təmin edilməsi, gəmi idarəetməsi və taktiki manevrlərin icrası üzrə praktiki tapşırıqları yerinə yetiriblər. Təlimin sonunda zabit və kursantlara kursu uğurla başa vurduqlarını təsdiq edən sertifikatlar təqdim olunub.
