Briqadanın maddi-texniki təminatının idarə edilməsi üzrə ixtisasartırma kursu"nun buraxılış mərasimi keçirilib

Mərasimi giriş sözü ilə açan Hərbi İdarəetmə İnstitutu rektorunun Tədris və elmi işlər üzrə müavini - tədris şöbəsinin rəisi 1-ci dərəcəli kapitan Əsəd Rüstəmov kursu bitirən zabitlərə Milli Müdafiə Universitetinin rəhbərliyinin təbrikini çatdırıb, onlara gələcək fəaliyyətində uğurlar arzulayıb. O, Azərbaycan Ordusunun peşəkar və dövrün tələblərinə uyğun zabit kadrlarının hazırlanması Ali Baş Komandanın ordu rəhbərliyi qarşısında qoyduğu prioritet məsələlərdən biri olduğunu vurğulayaraq hərbi təhsil sistemində aparılan islahatların Ordumuzun döyüş qabiliyyətinin və intellektual potensialının yüksəldilməsi məqsədini daşıdığını xüsusi diqqətə çatdırıb.

Kursu birinciliklə bitirən mayor Xalid Əliyev kurs yoldaşları adından çıxış edərək tədris dövründə əldə etdikləri bilik və bacarıqlara yiyələnmələri üçün yaradılmış şəraitə görə Milli Müdafiə Universitetinin və Hərbi İdarəetmə İnstitutunun rəhbərliyinə, professor-müəllim heyətinə minnətdarlığını bildirib.

Sonda məzunlara sertifikatlar təqdim olunub və xatirə fotoları çəkilib.