Kursantlar Heydər Əliyev Mərkəzini ziyarət ediblər
Milli Müdafiə Universitetinin tabeliyində fəaliyyət göstərən Heydər Əliyev adına Hərbi İnstitutun kursantları milli-mənəvi dəyərlərin təbliği, dövlətçilik ənənələrinin öyrənilməsi və dünyagörüşlərinin genişləndirilməsi məqsədilə Heydər Əliyev Mərkəzini ziyarət ediblər.
Ekskursiya zamanı kursantlar Ümummilli Lider Heydər Əliyevin zəngin siyasi irsi, Azərbaycanın dövlətçilik tarixi və müasir inkişafını əks etdirən ekspozisiyalarla tanış olub, tarixi eksponatlar və multimedia təqdimatlarını maraqla izləyiblər.
Bu ziyarət kursantların vətənpərvərlik ruhunun möhkəmlənməsinə, dövlətçilik ənənələri və milli irs haqqında biliklərinin zənginləşdirilməsinə mühüm töhfə verir.
