İtalyan dili kursunun növbəti buraxılış mərasimi keçirilib
Milli Müdafiə Universitetinin tabeliyində fəaliyyət göstərən Hərbi İdarəetmə İnstitutunun Xarici Dil Mərkəzində “İtalyan dili” kursunun növbəti buraxılış mərasimi keçirilib.
Tədbirdə Hərbi İdarəetmə İnstitutunun rektoru polkovnik Elnur Ələsgərli çıxış edərək Azərbaycan Respublikası ilə İtaliya Respublikası arasında hərbi təhsil sahəsində əməkdaşlığın uğurla inkişaf etdiyini vurğulayıb və bu kursun hərbi qulluqçuların peşəkar inkişafı baxımından əhəmiyyətindən danışıb.
Daha sonra İtaliya Respublikasının Azərbaycan Respublikasındakı hərbi attaşesi 1-ci dərəcəli kapitan Cianfranko Vizzini çıxış edərək kursun təşkilində və tədbirin keçirilməsinə görə minnətdarlığını bildirib.
Sonda kursu uğurla başa vuran hərbi qulluqçulara sertifikatlar təqdim olunub və xatirə fotosu çəkilib.
