Milli Müdafiə Universitetinin nümayəndələri Qəbələ–Xankəndi III Beynəlxalq ultramarafonunda iştirak edib

Dörd gün davam edən yarışda iştirakçılar ümumilikdə 192 kilometr məsafə qət ediblər. MMU-nun iştirakçısı polkovnik-leytenant Orxan Aydınov marafonu uğurla başa vurub.

Ultramarafon iştirakçıların fiziki hazırlığının, dözümlülüyünün və iradə möhkəmliyinin sınağı olmaqla yanaşı, idmanın təbliği baxımından da mühüm əhəmiyyət daşıyır.

Milli Müdafiə Universitetinin nümayəndələrinin bu yarışda iştirakı hərbi qulluqçular arasında sağlam həyat tərzinin təşviqinə və idman ənənələrinin inkişafına töhfə verir.