Bakı Hərbi Kollecində intellektual oyun keçirilib

Milli Müdafiə Universitetinin tabeliyində fəaliyyət göstərən Bakı Hərbi Kollecində Bakı Şəhər Gənclər və İdman İdarəsi ilə birgə “Şəhərsalma və Memarlıq İli” çərçivəsində kursantlar arasında “Nə? Harada? Nə zaman?” intellektual oyunu təşkil olunub.

Yarışda 10 komandanı təmsil edən 50 kursant iştirak edib. Oyunun keçirilməsində məqsəd kursantların bilik səviyyəsinin yüksəldilməsi və dünyagörüşünün genişləndirilməsi, məntiqi təfəkkürünün inkişaf etdirilməsi və intellektual potensialının üzə çıxarılması olub.

Yekun nəticələrə əsasən, “Qarabağ” komandası birinci, “İstiqlal” komandası ikinci, “Aypara” komandası isə üçüncü yerğ layiq görülüb. Qalib komandalar diplom, medal və xatirə hədiyyələri ilə mükafatlandırılıblar.