MMU-nun tabeliyindəki hərbi kolleclərin kursantları idman yarışlarında uğur qazanıblar
Milli Müdafiə Universitetinin (MMU) tabeliyində fəaliyyət göstərən Bakı və Naxçıvan hərbi kolleclərinin kursantları Zəfər Gününə həsr olunmuş idman yarışlarında uğurlu nəticələr əldə ediblər.
Bakı Hərbi Kollecinin “Vətən Oğulları” komandası 25 komandanın iştirak etdiyi “Kyokuşin Senşi” yarışında qazandığı medalların ümumi sayına görə birinci yeri tutub. Komanda 1 qızıl, 5 gümüş və 8 bürünc medal qazanıb.
Naxçıvan Hərbi Kollecinin kursantları isə cüdo üzrə Naxçıvan şəhər birinciliyində uğurlu çıxış edərək 2 qızıl, 2 gümüş və 2 bürünc medala sahib olublar.
Kursantların əldə etdikləri nəticələr hərbi kolleclərdə idmanın və fiziki hazırlığın inkişafına göstərilən diqqətin göstəricisidir.
