Kursantlar Çin Xalq Respublikasına səfər ediblər
Milli Müdafiə Universitetinin tabeliyində fəaliyyət göstərən Heydər Əliyev adına Hərbi İnstitutun kursantları Çin Xalq Respublikasında səfərdə olublar.
Çin Xalq Azadlıq Ordusunun Mühəndislik Universitetinin təşkilatçılığı ilə keçirilən tədbirdə 12 ölkənin nümayəndə heyəti iştirak edib. Kursantlarımız “Beynəlxalq sülhməramlılıq” mövzusunda brifinq təqdim edərək təcrübələrini bölüşüblər.
Təqdim etdikləri brifinqə görə fərqlənən kursantlar tədbirin sonunda təltif olunublar.












