Xarici Dil Mərkəzində İtalyan dili kursunun növbəti buraxılış mərasimi keçirilib
19 noyabr 2026-cı il tarixində Milli Müdafiə Universitetinin (MMU) tabeliyində fəaliyyət göstərən Hərbi İdarəetmə İnstitutunun Xarici Dil Mərkəzində növbəti İtalyan dili kursunun buraxılış mərasimi keçirilib.
Tədbirdə İtaliya Respublikasının Azərbaycan Respublikasındakı hərbi attaşesi, birinci dərəcəli kapitan Gianfranco Vizzini, Hərbi İdarəetmə İnstitutu rektorunun tədris və elmi işlər üzrə müavini, birinci dərəcəli kapitan Əsəd Rüstəmov və institutun digər nümayəndələri iştirak ediblər.
İtaliya tərəfinin dəstəyi ilə Xarici Dil Mərkəzində təşkil olunan kurs Azərbaycan-İtaliya hərbi əməkdaşlığı çərçivəsində həyata keçirilib.
Sonda kursu müvəffəqiyyətlə başa vuran dinləyicilərə sertifikatlar təqdim olunub.











