İtaliya Respublikası Silahlı Qüvvələrinin nümayəndələri Cəmşid Naxçıvanski adına Hərbi Liseydə olublar
“Azərbaycan Respublikası Müdafiə Nazirliyi ilə İtaliya Respublikası Silahlı Qüvvələrinin Baş Qərargahı arasında 2024-2025-ci illər üçün imzalanmış ikitərəfli hərbi əməkdaşlıq Planı”na əsasən, təşkil olunan “Hərbi Akademiyalar arasında kursant mübadiləsi tədbiri”nin səfər proqramı çərçivəsində adıçəkilən ölkənin kursantları Milli Müdafiə Universitetinin tabeliyində fəaliyyət göstərən Cəmşid Naxçıvanski adına Hərbi Liseydə olublar.
İtaliyalı qonaqlar Cəmşid Naxçıvanski adına Hərbi Liseyində Heydər Əliyev mərkəzini ziyarət edib, həmçinin tədris otaqları, idman zalları, üzgüçülük hovuzunda olub.
Daha sonra qonaqlara Hərbi Liseyin tarixi, təhsil mexanizmi, qarşıda duran məqsədləri və digər zəruri mövzuları əhatə edən brifinq nümayiş olunub. Brifinqin sonunda qonaqları maraqlandıran suallar cavablandırılıb.
Sonda xatirə fotosu çəkdirilib.
